Uxhaso Lwezigidi Ezingama-R16-45 lwe-CIDERU Oluqondiswe Ekuvimbeleni Umdlavuza Wamaphaphu

Click here for English version

Uphiko olwenza ucwaningo ngomdlavuza nezifo ezithathelanayo i-Cancer and Infectious Diseases Epidemiology Research Unit (CIDERU) eKolishi lweSayensi YezeMpilo laseNyuvesi KwaZulu-Natali luxhaswe ngezigidi ezingama-R16.45 yi-Bristol Myers Squibb Foundation (BMSF) ukuqinisa umsebenzi wokuvimba umdlavuza, ukushesha ubonakale, ukuwubona nokunakekela abantu obaphethe KwaZulu-Natali yonke.

Le mali izokhokhela umkhankaso othi ‘Equitable Access to Quality Lung Cancer Care in KwaZulu-Natal’, owaqala mhla woku-1 kuNhlaba wezi-2026 kuzekube mhla waama-30 kuMbasa wezi-2028.

Lo mkhankaso, oholwa wumcwaningi omkhulu uSolwazi Themba Ginindza, uhlanganisa amathimba ehlukene futhi wakhela emsebenzini weCIDERU nge-Multinational Lung Cancer Control Programme. Loluhlelo lokubambisana luhlose ukuphucula umsebenzi wokulapha umdlavuza nokuphucula izindlela zokwenza lo msebenzi e-Afrika yonke.

Umkhankaso uzoqinisa umsebenzi wokulapha abantu abanomdlavuza ngophiko i-Lung Cancer Diagnostic Unit (LCDU) ese-Addington Hospital eThekwini.

Eqhulwini kuzobekwa ukunciphisa ukubambezeleka kokuhlolela abantu umdlavuza nokudidiyela indlela yokulapha umdlavuza ngokuthi izinto zisheshe zisuka ekuhloneni ziya ekwelapheni okufanele.

Lolu hlelo ngeke lusagcina eThekwini kodwa luzodlulela kuMasipala weSifunda i-King Cetshwayo kubalwa ne-Queen Nandi Hospital neNgwelezane Hospital. Lokhu kuzolekelela ngokubhalisa abantu abanomdlavuza nocwaningo oluwusizo ngokuhlelela ukwelapha nokwaba izidingo kahle.

UGinindza uthe ukubambisana ne-BMSF kuzokwakhela empumelelweni ye-CIDERU, iqinise izindlela zokulapha zomphakathi nokuthi zisheshe zisukumele ukulapha umdlavuza wamaphaphu.

“Ngosizo oluqhubekayo lwe-BMSF, asigicini ngokukwazi ukuphucula indlela yokuhlolela umdlavuza kodwa senza nendawo yokulapha ehlomisa imiphakathi ngolwazi lomdlavuza nolokulapha izifo ezibucayi,” kusho uGinindza.

Uthe ukusayina isivumelwano kugcwalise ukubambisana nokuzinikela ekuphuculeni ukulapha abantu abanomdlavuza.

Kulo mkhankaso kuzoqeqeshwa abanakekela iziguli nabaholi bomphakathi. Kuzofundiswa ngomdlavuza, ukubona izimpawu, ukusheshe ubonakale nokunakekela abantu abanezifo ezibucayi.

Ngokwandisa ulwazi namakhono emphakathini nezindlela zokunakekela iziguli, lolu hlelo luhlose ukusiza iziguli ukuthi zisheshe zithole usizo nokuphucula indlela yokuqhuba umsebenzi wokunakekela iziguli.

Lo mkhankaso waKwaZulu-Natali uyingxenye ye-MLCCP, ehlose ukususa izingqinamba emsebenzini wokunakekela iziguli ezinomdlavuza wamaphaphu nokuphucula izindlela zokushesha kubonakale abanomdlavuza esub-Saharan Africa.

Lolu hlelo lusebenza nemiphakathi, izikhungo zokwelapha neminyango yezempilo ukucaba izindlela zokwelapha ezisebenzayo nezihambisana nesimo sendawo.

Okwaqala kungukubambisana phakathi kwe-Eswatini, iKenya, iNingizimu Afrika neTanzania sekudlondlobele kwafaka amazwe ayishumi okubalwa kuwona iGhana, iLesotho, iTopiya, iMalawi, iZambia neZimbabwe asebengene ohlelweni.

Le ndlela yenza amazwe akwazi ukucobelelana ngolwazi, aqinise ocwaningweni nokuhlela indlela yokunqanda umdlavuza wamaphaphu, ukuhlola nokwelapha.

Lolu hlelo luhlose ukuphucula izindlela zokuhlolela umdlavuza, ukubheka abanomdlavuza, ukufundisa umphakathi nendlela yokunakekela iziguli nangemuva yokuphela kosizo lweminyaka emibili ngokuthi zingene ngaphansi kweminyanga yesifundazwe.

Amagama: wuNombuso Dlamini

Isithombe: Sithunyelwe

Latest

I-Reclaiming UQOBO Ibheke Ukuxhumana Phakathi Kobugugu Nempilo

Isifundo Sokuqala Besigxile Kwezempilo Ezinobuqotho

Related

Umfundi Wezobudokotela Uhlabene Emncintiswaneni Wocwaningo LweFiziyoloji

Iqembu le-Goalball Lase-UKZN Libuye neSiliva Emqhudelwaneni wase-Clermont